ENGLISH CAMP
Urrobi Kanpinean

Zure ingeles maila edozein dela ere, hemen duzu hobetzeko aukera. Ez klaserik, ezta eduki teorikorik ere. Ingelesa komunikazio tresna modura erabiliko dugu maila guztietara moldatuz. Jolasean, irteerak eginez, eskulanetan… gure helburua eguneroko hartuemanean hizkuntza indartu eta natural egitea da.

Kanpaina dendetan lo eginez 8 egun pasako ditugu 30 urteko esperientzia duen kanpinaren instalazio barruan. Urrobi Kanpina Iruñaren iparekialdean kokatuta dago, Burgi eta Orreagatik oso gertu, non inguruko basoetan zehar ibilaldiak egingo ditugu.
Ikaragarri ondo pasako dugu Santiagoko Bidean dagoen puntu zoragarri honetan jolasean eta bizipenak elkarbanatuz.
Ingelesezko txandarako finkatu dugun helburua, etortzen diren partaide guztien ingeles maila hobetzea da. Nola lortuko dugu? Hizkuntza bat klaseen bidez ikasi ordez, egokiago ikusten dugu naturalki ikasten joatea hizkuntza horretan biziz esnatzetik oheratu harte ondo pasatuz eta lagun artean.

  • Egingo ditugun ekintza guztiak ingelesez egingo ditugu, era naturalean.
  • Ingeles maila altuko begiraleak izango ditugu eta denbora guztian ingelesez hitz egingo dute.
  • Goizero ariketa praktikoak egingo ditugu eguneko ekintzarekin zer ikusia duten hitz eta esaldiak praktikatzeko.

Maila guztitara moldatuko gara, ez bildurrik izan. Oso ondo pasako dugu.

Bideoa

“Camping Urrobi” buruzko informazio gehio bere web gunean.

COVID 19 OHARRA: Jarraian duzuen udalekuei buruzko informazioa orientagarria da. Oraindik Eusko Jaurlaritzak ez du adierazi zein baldintzatan egin ahal izango ditugun kanpamentuak uda honetan. Beraz AURRETIKO IZEN-EMATEA irekiko dugu. Edukieraren, mugikortasun-murrizketen, monitore-parte-hartzaile ratioaren eta bestelakoen berri dugunean, posta elektronikoz jakinaraziko dizuegu, aurrez izena eman duzuen orden berdinean.

English Camp udalekuko txanda beteta dugu. Tokia dugun beste udalekuak ikusteko hasierako orrian sartu zaitezkete. Zaila izaten da bajak egotea baina itxaron zerrenda ere badugu, bertan izena emateko, bidali emailez zein txanda nahi duzuen eta haur kopurua.

Barkatu eragozpenak

Adina:

10 urtetatik – 13 urtetara.

Plazak:

Gehienez 36-38 pertsona txandako.

Txandak:
  •  Uztailaren 1etik 8ra.
Garraioa:

Udalekutako joan-etorrirako hainbat geltoki izango dituzue:

  • Donosti inguruan
  • Bilbo inguruan
  • Gasteiz inguruan
  • Iruña inguruan

Beste geltoki bat ezartzeko 10 pertsona beharko dira gutxienez.

Ez baduzu autobusa erabiliko eta zure kabuz joan eta itzuliko bazara, adierazi izena ematerakoan.

Instalazioak:
  • Igerileku estalia.
  • Urrobi ibaiko igerileku naturala.
  • Komunak eta ur berodun dutxak.
  • Jokaleku multikirola, ping-pong mahaia, tenis pista…
  • Erabilera anitzeko gela (pelikulak, mahai jokuak, eskulanak…)
Prezioa:

315€ dena barne.

Eskaintzak:

5%ko beherapena taldeka apuntatzen bazarete (3 edo gehiago) edo anai-arrebentzako.

· Joan eta itzultzeko garraioa barne.
· Facebook eta Instagram erabiliko dugu ahal dugunean argazkiak jartzeko, horrela udalekuaren jarraipena egin dezazuen.
· Aurrerago informazio gehiago bidaliko dizuegu. Zer eraman, ordutegiak, autobusen geltokiak eta ordutegiak, aholkuak… Bideo, PDF dokumentu edo guraso bilera baten bitartez.
· Non egingo duten lo erabakitzean, apuntatu diren taldeak kontuan hartzen ditugu.
· Lehentasuna lehen apuntatzen denari ematen diogu.